മാഷ്

ഒരിക്കലും നിയച്ചിരിയാതെ നടക്കുന്ന ഓരോ സംഭവങ്ങൾ സംഗതിയുടെ ഗതി അപ്പാടെ മാറ്റി മറിക്കുന്നത് നമ്മൾ കണ്ടിട്ടുണ്ട്. ഒരു നിമിഷ നേരം വൈകിയിരുന്നെങ്കിൽ !തീർത്തും മറ്റൊന്നാവുമായിരുന്നു കഥ . അത്തരം ഒരു ഒരു കഥ. കഥ നേരിട്ട് കണ്ടതല്ല ,പറഞ്ഞറിഞ്ഞത് , എങ്കിലും തരിമ്പും പതിരില്ല. അങ്ങനെ പറയാൻ കാര്യം എന്തെന്നല്ലേ ? കഥാ നായകൻ തന്നെ ആണ് കഥ പറഞ്ഞതു . എൺപതുകളിൽ ഒരു പീജി വിദ്യാർത്ഥി ആയിരുന്ന കാലം . കോഴിക്കോട് ഐ എം സി എച്ചിൽ ഏറെ തിരക്കുള്ള നാളുകളിൽ ഒന്ന് . അവിടെ കഥകൾ പറയാനും കേൾക്കാനും ഒക്കെ എവിടെ നേരം ? ഒരുമിച്ചു ഡ്യൂട്ടി എടുക്കുന്നതിനിടയിൽ ഒരു പാതി രാത്രിയിൽ പിള്ളാരുടെ വായ് തോരാത്ത കരച്ചിൽ ഒന്നടങ്ങിയ നേരം ഒപ്പം ഡ്യൂട്ടി എടുക്കുകയായിരുന്നു സഹപീജി ആണ് കഥ പറഞ്ഞയാൾ ,കഥയിലെ നായകനും . സഹപീജി എന്ന് പറഞ്ഞു ചെറുതാക്കി എന്ന് കരുതരുത് . എന്നേക്കാൾ അഞ്ചാറ് ഓണം കൂടുതൽ ഉണ്ടയാൾ , നേരത്തെ എം ബി ബി എസ കഴിഞ്ഞു കുറച്ചു കാലം ഹെൽത്ത് സർവീസിൽ പയറ്റി സർവീസ് കോട്ടയിൽ പീജിക്കു ഒപ്പം ചേർന്നയാൾ , ആജാനബാഹു, ലോകത്തിലെ ഏതു കാര്യവും ചോദിച്ചാൽ രണ്ടു വാചകം എങ്കിലും തെറ്റാതെ പറയും . സഹപീജി അല്ല ജേഷ്ട്ട സഹോദരൻ . അഞ്ചു കൊല്ലം മ...

കൊച്ചു ഡോക്ടർമാർക്ക് ക്‌ളാസ് എടുക്കുമ്പോഴായാലും കുഞ്ഞുങ്ങളെ നോക്കുമ്പോഴായാലും ഇത്തിരി ആസ്വദിച്ചു ചെയ്‌താൽ ജോലി ഭാരം തോന്നില്ല , ഈ ആസ്വാദനത്തിനും മനസ്സുഖത്തിനും ഭംഗം വരുത്തുന്ന “വിളികൾ “ ഇടയ്ക്കു വരും .അത്യാഹിത വിഭാഗത്തിൽ നിന്നോ ഐ സി യുവിൽ നിന്നോ ആവും. “ സാർ ഒരു പാമ്പ് കടി കേസ് വന്നിട്ടുണ്ട്  ".ടോസിസ് " ഉണ്ട് ,ബ്രീത്തിങ് വീക്ക് ആണ് . .ന്യൂറോടോക്സിക്ക് ആണെന്ന് തോന്നുന്നു വെന്റിലേറ്ററിൽ ഇടട്ടെ ?" “ ...സ്‌കൂളിൽ നിന്ന് രണ്ടു കുട്ടികളെ എടുത്തോണ്ട് വന്നിട്ടുണ്ട് .മാഷമ്മാരേ കൂട്ടിനുള്ളൂ .എന്തോ ഒരു കായ കൊണ്ട് വന്നിട്ടുണ്ട് .കുട്ടികൾ പങ്കു വെച്ച് കഴിച്ചതാ , അതെന്താണെന്ന് അറിയുന്നില്ല “ “....സ്‌കൂട്ടറിൽ നിന്ന് വീണൊരു കുഞ്ഞു .മൾട്ടിപ്പിൾ ഇഞ്ചുറി .ഷോക്കിൽ ആണ് . സർജൻ തീയേറ്ററിൽ ആണ് .അമ്മയും അപ്പനും അവിടെ വെച്ച് തന്നെ കഴിഞ്ഞു .പോലീസ് എത്തിച്ചതാണ് …” മനസ്സമാധാനം കളയുന്ന ഈ പട്ടിക ഒരു പാട് നീളും . മരത്തിലും മതിലിലും വലിഞ്ഞു കയറി വീഴ്ചയും ഒടിവും ചതവും ആയിരുന്നു പണ്ടൊക്കെ. ഇപ്പൊ പല അപകടങ്ങളും റോഡിൽ . വണ്ടി ഇടിച്ചും,കുട്ടികളെ കുത്തി നിറച്ച ഓട്ടോറിക്ഷ തോട്ടിലേക്ക് മറിഞ്ഞും ചില...

കാൽ നൂറ്റാണ്ടു മുൻപ് രാമായണം സീരിയൽ കഴിഞ്ഞും അതിലെ സീതയെ ടീവി സ്ക്രീനിനു പുറത്തും ജനം സീതയായി തന്നെ കണ്ടിരുന്നു കുറെ ഏറെ നാൾ. മലയാളത്തിൽ ആ പതിവ് എത്ര ഉണ്ടെന്നറിയില്ല , ദേവിയും ദേവനും ആയി വേഷം കെട്ടിയ അഭിനേത്രികൾക്കു പുറത്തിറങ്ങി മാർക്കറ്റിൽ ഒക്കെ വിഷമം കൂടാതെ പോവാൻ ആവുന്നുണ്ടോ അതോ അവിടെ അവരുടെ കാലു തൊട്ടു വന്ദിക്കുന്നുണ്ടോ എന്നും . ഇത് സിനിമാ താരങ്ങളുടെ കാര്യം . ഇങ്ങനെ ഒരു കാര്യത്തിൽ താരങ്ങൾ പാവം . അവരെ തെറ്റ് പറഞ്ഞു കൂടാ . ഞാൻ പറയുന്നത് എന്റെ കാര്യം .ഇവിടെ കാര്യം നേരെ തിരിച്ചാണ് എന്നെ പോലുള്ളവർ ആശുപത്രിക്കകത്തും ക്ലാസ് മുറികളിലും ഒക്കെ ഡോക്ടർ ആയും അദ്ധ്യാപകൻ ആയും സ്വയം തിരിച്ചറിയുകയും അതിനൊത്ത വിധം പെരുമാറുകയും വേണം എന്നത് ശരി . ആശുപത്രിയുടെ മതിലും ഗേറ്റും കടന്നു പുറത്തു പോയാൽ കഴുത്തിലെ സ്‌റ്റെതസ്കോപ്പ് അവിടെ തന്നെ ഉണ്ടെന്ന ഒരു ബോധം അറിയാതെ മനസ്സിൽ ഉറച്ചു പോവുന്ന ഒരവസ്ഥ ആരോഗ്യത്തിനു അത്ര നന്നാവുമോ ? കിരീടവും ചെങ്കോലും പരിവാരങ്ങളും സമേതം രാജവീഥികളിലൂടെ എഴുന്നള്ളുകയാണ് എന്നൊരു ബോധം ...തെരുവീഥികളിൽ എത്തുമ്പോഴെങ്കിലും ബോധം ഉണ്ടാവണം , അതുണ്ടാവാതെ പോവുന്നു ചിലപ്പോഴെങ്കിലും അത് കൊ...

( നിറയെ പൂത്തുലഞ്ഞു നില്‍ക്കുന്ന നീര്‍മാതളത്തിന്റെ സുഗന്ധം  ബാക്കി വെച്ചു കടന്നു പോയ കഥാകാരി . മനസ്സില്‍ തോന്നിയത്  മറയില്ലാതെ  പറഞ്ഞപ്പോ ഒരു പാട് നെറ്റികള്‍ ചുളിഞ്ഞു.  "ഇങ്ങനെ ഒക്കെ പറയാമോ ? ചിന്തിക്കുന്നതും ചെയ്യുന്നതും എല്ലാം ഇങ്ങനെ  ഒക്കെ പറയാന്‍ തുടങ്ങിയാല്‍ ? പക്ഷെ ആ തുറന്നു പറച്ചിലുകള്‍ , അതിന്റെ മധുരം  ഈ മലയാളക്കരയും  മാലോകരാകെയും കഴിഞ്ഞു പോയ ഒരു കാലഘട്ടം മുഴുവന്‍ ആസ്വദിക്കുകയായിരുന്നു . ആ തന്റേടവും ആര്‍ജവവും അക്ഷരങ്ങളിലൂടെ പകര്‍ന്നു കിട്ടിയ ആയിരങ്ങളില്‍ ഒരാളായത് ആണ് .കീഴെ എഴുതുന്ന ഇത്തിരി വാക്കുകള്‍ക്കു ,പ്രചോദനമായത് ) *********************************************************** എഴുപതുകളുടെ അവസാനം , കോഴിക്കോട് മെഡിക്കല്‍ കോളേജില്‍  ഒരു  വൈദ്യ വിദ്യാര്‍ഥി . യൌവ്വനത്തിന്റെ ഉച്ച നേരം .നാലാം വര്‍ഷത്തില്‍ സ്ത്രീ രോഗങ്ങളുടെ വിഭാഗത്തില്‍   പോസ്റ്റിങ്ങ്‌ ആയിരുന്നു .കാലത്ത് രോഗികളുമായി ഇടപഴകി , കേസ് ചര്‍ച്ച ചെയ്ത്‌  കഴിഞ്ഞ , തിരിച്ചു നടന്നു ഹോസ്റലില്‍ . ഉച്ചക്ക് മുന്‍പ് വന്നാല്‍  ചെറിയ ഒരു ...